يعد حتى 10
ثم يسأل
" خلاااوييييييييييص "
ترد عليه
من قريب
" لسه
عد 10 كمان "
يعد للعشرة مرة أخرى
ثم يسأل
" خلاويص "
يأتيه صوتها أبعد
" خلااااااص "
يلتفت بسرعة
و تدور عينيه حول المكان في خفة
و لا يستغرق وقتا حتى يراها تقف غير بعيد
يبتسم ابتسامته التي ليس أروع منها على هذه الأرض
و التي تخبرك أنه لم يتجاوز بعد الخامسة
و يصرخ بها
" شوفتك "
تقف صامتة
تضع يديها في وسطها اندهشا
تسكت كمن تبحث عن كلمات ترد بها
يفرق بينهما في العمر 3 أعوام
تهز رأسها تعجبا
ثم تقول له و هي تحثه
" ايه ده
لازم تمسكني
مش تشوفني بس يا ذكي
لازم تمسكني قبل ما اروح ع ( الميس ) "
تتحول ابتسامته لشبح ابتسامة
غير أن وجهه يبقى جميلا مشرقا كما كان
ينظر لها بريبة
تستحثه
و تناديه
" بسرررررعة "
تقف تعابير وجهه على الحياد بين التصديق و التكذيب
هل عليه أن يمسكها حقا أم أنها تغرر بطفولته ؟؟
تنتظر قليلا قبل أن تنزل يديها من على وسطها
ثم تجري
فتصل لل ( ميس )
قبل أن يتحرك من مكانه
أو يأخذ في شأنها قرارا
يبكي
و تقترب منه تغالب دموع في عينيها هي الاخرى
" خلاص
هنعيد من الاول بس لازم تمسكني قبل ما أوصل للميس "
هناك 10 تعليقات:
ياريتنى كنت فضلت صغير كده على طول
بجد كان فيه نقاء ..الى ان لوثتنا الحياه بمكتسبتها
وكان فيه صفاء...الى ان اثقلتنا الحياه بهمومها
وكان وكان
والحمد لله
كل سنه وانتى طيبه
بس هو آيه فين ؟؟
اول مره ادخل المدونه عندك. تصوير براءة الطفوله المختلطه بشقاوتها الممزوجه بحنيتها فى كلمات بسيطه ومنطلقه كدفعات رشاش متصله فى هذا البوست جعلتنى لا استطيع مقاومة إغراء قراءة كثير من البوستات السابقه. تعرفى ايه اكتر حاجه عجبتنى فى كتاباتك؟. البساطه. اسلوب واضح كلمات بسيطه سرد متدفق وفى النهايه الفكره. خالص تحياتى وانشاء الله متكونش الزياره الاخيره. شكرا
إخــص عليكي يا آآيــــة
بجد ... إخــص عليكي ....
.
.
يااااااااااه
حلووووة قوووووووي
بجد !!!
***********
وبعدين أنا أصلاً داخل عشان ماصدقت لقيتك، مش عارف أقول لك إيه، بس اسمحي لي آخـد القصـة دي
إنسان بلا عنوان:
ياريتني انا كمان ... الحمد لله :)
و آية مش هنا زي ما حضرتك شايف .. و لما تبقى هنا ... هتقول أكيد
محمد داود :
انا اللي متشكرة
جداااااااا
رفعت معنوياتي و الله
:)
ابراهيم معاه :
ياااااااااه
ياه و الله
تصدق منور المكان
و فرحت لما شفت تعليقك ...
بس إخص علي ليه ؟
و ما صدقت لقيتني إزاي ؟
ما انت عارف اني موجودة على طووووول
صحيح مش هنا.... بس موجودة ...
و بعدين مش عارف تقول ايه ليه ؟
و اتفضل القصة طبعا
بس هتاخدها توديها فين ؟؟
متقطعش الزيارة :)
على فكرة بتعرفي توصفي بجد كأني شيفة الأطفال دول أدامي و على فكرة انشري الاعلان دلو قتي أصل الايميل بتاعنا بايظ
سلمى بتكلم
الللللللللللله
رجعتينا تانى لأيام حلوة
تسلم دماغك
انشري الاعلان وعلى فكرة اسمها
7akaeybanat.blogspot.com
ياااااه اشكرك بشده فقداعدتيني الي ايام طفولتي الجميله عندما لم يكن هناك اي محاذير او موانع بين ابناء الخال يوم كنا لا نحمل للدنيا هموما ونلعب من مشرق الشمس حتي غروبها دون خوف في سعادةلم تعد هنا لاننا نحن لم نعد كما كناهناك
سلمى :يا حبيبتي انتي كنتي شايفة الاطفال دول قدامك فعلا :)
blue wave :يريتنا نرجعلها بحقيقي .. مش بالكلام .. و القصص .. شكرا على مرورك
بنوتة : حصل يا فندم :) .. مبروك عليكي :)
nudy : صدقت .. لم تعد لأننا لم نعد ..
إرسال تعليق