السبت، 1 مايو 2010

مضارع مستمر


خلال سنوات عمري كلها أخذت قرارا بأن " أتغير " عددا لا حصر له من المرات ، مرات أكثر من أن أتذكر مواضعها ، أو أحاول أن أحصي مبرارتها أو حتى مترتباتها ، ما أستطيع أن أجزم به تماما أني في معظم تلك المرات إن لم يكن كلها لم أحدد شكل التغيير الذي أريده ، و لم أحدد له خطوطا واضحة و لا أعددت خطوات صريحة .... و كنت أنسى دائما أني قررت أن " أتغير " بعد يومين على الأكثر . المرة الوحيدة التي قررت فيها أن أتغير و تذكرت ذلك لمدة شهر كامل و نجحت فيه كانت في أبريل 2009 و كان لها وضعها الاستثنائي الخاص الذي لا يجعلني الآن أحتسبه تغييرا بقدر ما كان إصرارا أو حسما..

ما أستطيع أن أقره أكثر و أقسم عليه ، أني عبر سنوات عمري تغيرت بشكل حقيقي و ملفت حوالي أربع مرات .. لم أعد لأي منهم و لم أقرر مسبقا أو أنتوي التغيير ، بل أني حتى لم أكتشف أني تغيرت إلا بعد مرور شهور، و بعد مدة طويلة كانت تخضع فيها ملاحظات الآخرين من المقربين أو الغرباء للاختبار و الفحص و المراقبة الذاتية ، لأقر أني فعلا .. اتغيرت.

أستطيع أن أقر أيضا أن التغييرات و إن لم تكن الأروع و لا الأفضل و لا الأقرب للكمال إلا أنها كانت الأنسب عما سواها لوقتها .. و هو ما يجعلني فجأة بتصالح تام أقول : أني أحب كل ما حدث وقت ما حدث، و هو ما لا يعني أبدا أنه كان إيجابيا أو سارا أو مرضِ .

الجديد هذه المرة أني لا / لم أنو التغيير .. و لست أيضا بصدد فحص ملاحظات أي آخر حول اذا كان هذا يحدث فعلا أم لا.

أنا فقط و للمرة الأولى أشعر أن "التغيير" يأخذ شكل المضارع المستمر بدلا من الماضي أو المستقبل المجهول ..

مضارع مستمر ألتقط تفاصيله و علاماته على مدار يومي و علاقاتي .. و أبتسم في هدوء بلا صخب و لا انزعاج مما يحدث

أنا و لأول مرة .. أشعر أني

بــتـــغـير

و لست مهتمة بتقييم هذا التغيير .. أنا فقط أشعر أنه مناسب .. و أستمتع بفعل حدوثه الـ مضارع المستمر.

هناك 13 تعليقًا:

العنكبوت النونو يقول...

مبروك تاني
عقبالي تاني

غير معرف يقول...

:) كل شيء في تغير وكل شيء الى زوال .. عقبالي يا رب
:)

الحلم العربي يقول...

في حكمة بتقول انك لو لقيت أفكارك و آرائك خلال عشر سنوات هي هي يبقى انت ما عملتش حاجة خلال العشر سنوات دي
التغير سنة للحياة الحياة و الطبيعة بتغير نفسها و احنا مصرين ما نتغيرش
اتغيري فهذا مؤشر جيد لكن حاولى تثبتي على أجمل ما فيكي و أكيد انتى عارفاه اكتر من اي حد :))

تــسنيـم يقول...

:)

حلو أوي التغيير اللي بنفوق و هو لسه شغال مش بعد ما بيخلص :)

حلو أوي إنك لامساه و عايشاه و إنه لازال مضارع مستمر

:)

غير معرف يقول...

حلوة .. المضارع المستمر .. لا الماضي او المستقبل هو ما يحكمنا فقط الحاضر

دمتي راضية ومطمئنة البال :))

هدى يقول...

وأنا كمان بمر بشيء من هذا القبيل

بس بقالي قد سنة كدا

أنا اللي بقول بس اني بتغير

الناس التانية مش ملاحظين حاجة

أنا بردد طول الوقت بمناسبة ومن غير انا اتغيرت, قدرت اتغير , قدرت أغير من نفسي وما إلى ذلك من الجمل

الفكرة المقلقة فعلا

هل التغيير دا فعلا حصل ولو حصل هل أنا سعيدة بيه

أنا مصدقة ان التغيير بيحصل حتى بدون نية زي ما بتقولي

بس تفتكري التغيير اللي انا حطاه تحت المجهر دا ,,, هينفع ولا ايه

مش هكتشف دا قريب متخيلة دا جدا

..

بتعجبني قوي التأريخات بتعتك, دابما بتفتكري الشهور واحداثها واللي بيحصل فيها

وأنا كل مرة اقرا حاجة زي كدا عندك افضل افكر هو شهر ابريل 2009 دا كنت فين وبعمل ايه وايه تأثيره في حياتي

مش عارفة

بس بتبهريني يا مبهورة هانم

مساك ورد

Lobna Ahmed Nour يقول...

مضارع مستمر جدااااا
أهنئ نفسي بشهر من الإنبهار المستمر

آية .. أنتِ ملهِمة !

dandana يقول...

يبقى اكيد هو تغيير مرضى تماما

مدام انتى مستمتعة بيه


way to go

Unknown يقول...

يا حلوللي يا حلوللي

بقالي نص ساعة بقرأ في التدوينات و التعليقات و حاسة بقعدة عرب كدة ترد الروح ...

موافقاكي تماما ... هو مضارع مستمر جدا ،، مقلق و لا هادي حسب استقبالنا ليه

بحاول أنا كمان أبقى هادية كدة في استقباله ،، خصوصا إنه بالنسبة لي تحول مش تغير و بس

أنا مبسوطة إني هنا و إني هعدي أسلم كل يوم ..

فلتحيا حملة التدوين

MaNoO يقول...

سلاح ذو حدين وانتى اتكلمتى فى الحد المفيد
اننا نكتشف التغيير فى المضارع المستمر اما ننتبه ليه اولى لدرجه تضيع حلاوة التغيير او اننا نتعامل عادى ونحس انه مناسب زى ما انتى عملتى تحياى واتمنى تحديد بقاط التغيير بعد ان ينتهى مع انى اتوقع انا لتغيير الحقيقى لا ينتهى ولكنه يتجدد

آيــة يقول...

نونو
و مين قالك انك مبتتغيريش اصلا ؟؟
ربنا يقربلك اللي يراضيكي :))

alo2ah
:) طب عقبالك انتي كمان يارب :)))

يويا
و ده معناه اني عملت حاجة تفتكري ؟؟ خايفة لا يطلع جري ف المكان يا عزيزتي :((


توتا
انتي أحلى
:*

آيــة يقول...

غير معرف
:)
و انتي كمان يارب

هدى
مبدئيا
أحب مرورك .. و بفتقده لما تغيبي :)
عارفة انا بدأت احس ان اروع ما في التغيير .. هو الاحساس اللي زي احساسنا لما نبص لصورنا من 5 سنين مثلا و نقعد نضحك .. كنت بلبس ازاي، كان شعري ازاي ، كانت بصتي ازاي .... فكرة الاكتشاف مش المتابعة و المراقبة و تحت المجهر كل خطوة
و ده اللي محببني ف الفترة دي
اني بكتشف كل يوم اني بتغير :)

كسفتينا يا فندم ... صباحك معطر فل و ياسمين :))

.....
لبنى
عرفت اسممممك بقى
هع هع هع
تسلمي يا جميلة .. و أنا أهنئ نفسي بشهر من وجودكم الحلو :))

....

ميوية
مرضي آه .. حلو و لا وحش .. معرفش بقى :)

...
ريمو
نعععم
فلتحيا حملة التدوين يا فندم
أول مرة تعلقي هنا على فكرة :)
.....
مانو
مش عارفة اذا هعرف احدد نقط التغيير و لا لا ... بس ممكن اجرب يعني و نوافيكم بالأخبار مثلا :)
تحياتي

Ahmed Fayez يقول...

أرجو يكون للأفضل.

 

أوركــــيد أبيض Copyright © 2009 Flower Garden is Designed by Ipietoon for Tadpole's Notez Flower Image by Dapino